/*]]>*/

19‏/7‏/2014

لتلاميذ الباكالوريا هذا كل ما يجب أن تعرفه عن إعادة التوجيه

هي عملية تعطيك الفرصة باش تبدل التوجيه متاعكم ..تصير من 2 أوت حتى 11 أوت .. و جميع الشعب فها أعادة توجيه معدى الشعب ألي فها اختبار ...
كيفاش تصير و شنية الشروط ؟
1/أسباب عادية:
كل واحد فيكم يحب يبدل أختيرارتو يدخل على موقع التوجيه نهار 2 أوت و يعمر كيما عمرتو في التوجيه العادي ...و عندك 5 اختيارات ...تنجم تعمر وحدة كيما تنجم تعمر الكل ..أما فما حاجة مهمة ... غدوة باش يهبطو سكورات أخر موجهين جماعة الدورة الأولى ...و بعد متع دورة 2 و بعد متع دورة النهائية ...انتي مثال حاشتك ب اجازة أساسية في الأعلامية في المعهد العالي للاعلامية و أخر موجه مشالها سكور متاعو 145 ...كان سكورك أكثر من 145 دونك باش يقبلوك 100% و أذا سكورك أقل منغير متكسر راسك ...و سكورات تو تلقاوهم في الموقع غدوة ...
2/اسباب صحية :
سعات واحد مينجمش يقر بعيد خاطر مريضه و لا حاجة ...وقتها يعمر في الموقع أختياراتو و يتبع وصل الاستلام بعد ميحط أسباب صحية ...و الوصل هذا يزيدو dossier médicale ...موش شهادة طبية من عند généraliste ...و يبعثهم في جواب مع بطاقة تعريف و نسخة من الأرشدات الصحية لادارة اعامة لشون الطالبية...أما زادت موش يبدا سكورك 100 و تحط حاجة سكورها 160 .....حاجة معقولة ...و لا نفس الاختيار ألي خذيتو أما في ولايتك ...
3/أسباب أجتماعية:
كيما الأسباب الصحية أما معها dossier social و في التصويرة تلقاو لوراق لازمين و نفس procedure متع أسباب صحية
4/ ملاحظة
** في دليل التوجيه صفحة 12 و 13 تلقاو أكثر معلومات
**موش معناها عملت dossier معناها باش يقبلوك لازم dossier يكون bien argumenté و زادت تكون حاط اختيارات معقولة موش بعيدة برشا على سكورك
**كل فاك تخلي عدد معين لجماعة أعادة توجيه ...يعني تقرى حسابها ...موش معناها وفاو البلايص في الدورة الأولى سيا
**تعمير على الموقع يبدا 2 أوت و بعثان dossier من 4 أوت
**أي واحد باش يعمل أعادة توجيه يعمل demande مبيت جامعي خاطر النتيجة تهبط 30 أوت و ينجمو مايقبلوكش و وقتها يفوتك أجل المبيت
**بعد مايقبلوك في أعادة التوجيه و تحب تبطل تنجم ..تختار ترجع لشعبة الاولى ..و الأختيار يصير في موقع التسجيل الجامعي و انتي حر
**ألي باش يعمل أعادة توجيه ماهوش باش يفوتو حتى شي لا مبيت و لا بورص ..كل شي تو يجي في وقتو
**ينجم موقع التسجيل الجامعي يحل في أول أوت ..و ألي باش يعمل أعادة توجيه ميعملش تسجيل خاطر هو دجا يحب يبدل ..و زادت ميعملش مطلب بورص تو ...لازمو يستنا النتنيجة يعمل كان مطلب المبيت

Home with below post

يتم التشغيل بواسطة Blogger.

مخططات-مذكرات-مشاريع- وإمتحانات لجميع المستويات إبتدائي و ثانوي@ نظام تربوي تونسي@

Featured Posts

analytics

Gadget

هذا المحتوى غير متاح إلى الآن عبر الاتصالات المشفرة.

المتابعون

Featured Posts

https://instiressources.blogspot.com/2016/07/20162017_22.html

Social Icons

إجمالي مرات مشاهدة الصفحة

أرشيف المدونة

Social Networks

About us

بحث هذه المدونة الإلكترونية

Recent Posts

Pages

real traffic

Popular Posts